Светски ден на крводарителството 

20 години прославување на дарувањето: Ви благодариме крводарители!

На Светскиот ден на крводарителството, кој се одбележува на 14 јуни, СЗО, нејзините партнери и заедниците ширум светот ќе се обединат зад темата:

“20 години од прославувањето на дарувањето: Ви благодариме крводарители!“

20-годишнината од Светскиот ден на крводарителството е одлична и навремена можност да им се заблагодариме на крводарителите ширум светот за нивните животоспасувачки донации низ годините и да го почитуваме нивното големото влијание и врз пациентите и врз донаторите. Исто така, ова е момент  да се одговори на постојаните предизвици и да се забрза напредокот кон иднината каде што безбедната трансфузија на крв е универзално достапна.

Целите на овогодинешната кампањатасе:

• Да се даде благодарност и признание на милионите доброволни крводарители кои придонеле за здравјето и благосостојбата на милиони луѓе ширум светот.
• Да се прикажат достигнувањата и предизвиците на националните програми за крв и да се споделат најдобрите практики и научените лекции.
• Да се нагласи континуираната потреба од редовно, неплатено дарување крв за да се постигне универзален пристап до безбедна трансфузија на крв.
• Промовирање на култураза редовно дарување крв меѓу младите и пошироката јавност.

Клучни пораки се:

• Безбедната крв спасува животи.

• Крвта им е потребна на жени со компликации за време на бременост и породување, деца со тешка анемија, често како резултат на маларија или неухранетост, жртви на несреќи и хируршки пациенти и пациенти со рак.

• Потребно е редовно дарување крв од доволен број здрави луѓе за да се осигури дека крвта секогаш ќе биде достапна кога и каде е потребна.

• Иако потребата за крв е универзална, пристапот до крв не е. Недостигот на крв е акутен во земјите со низок и среден приход.

• Секое дарување крв или плазма е скапоцен подарок што спасува живот, редовното донирање е клучот за градење безбедно и одржливо снабдување.

• Широкото учество на населението во редовното дарување крв и плазма гарантира дека секој може да пристапи до крв и плазма протеини кога им е потребно.

• Обезбедувањето на безбедноста и благосостојбата на дарителите на крв и плазма е критично, тоа помага да се изгради посветеност на редовните донации.

• Ви благодариме крводарители. Вашите несебични донации имаа големо влијание врз животите и благосостојбата на милиони луѓе, како и на нивните семејства и заедници ширум светот.

Подготвил: Бранка Крстев, дипл. соц. работник/ Одделение за социјалнa медицина,    

                      Јуни, 2024 година 

Извор:     https://www.who.int/campaigns/world-blood-donor-day/2024,

                 https://www.who.int/campaigns/world-blood-donor-day/2024/key-messages