Светски ден на спортот, 30 мај 2013 г

Предуслов за здрав и квалитетен живот за секоја индивидуа е активното практикување на спортот, чиј Светски ден се обележува секоја година на 30 мај.

Годинава се обележува по 21 пат, а на иницијатива на организацијата TAFISA (Trim and Fitness Internation Sport for all Association)– Меѓународна асоција на движењето “Спорт за сите”. 

Дефиниција за спорт: сите телесни моторички активности кои имаат варијабилен, динамичен карактер, а со кои доаѓа до израз способноста, особините и знаењето на спортистите за време на тренинг или натпревар.

Према дефиницијата и степенот, спортот може да биде врвен (селективен) и масовен (неселективен). Во подрачјето на спортот постојат неколку категории: професионален спорт, аматерски спорт, рекреативен спорт, училишен спорт и спорт за инвалидизирани лица.

Причини за практикување на спорт се: рекреативни, забава, развивање на телото, подобрување на телесната кондиција, за натпреварувачки цели и сл.

Редовната и адекватна телесна активност влијае на намалување на ризикот од појава и развој на повеќе заболувања и други несакани состојби, а влијае и на подобрување на целокупното физичко и ментално здравје, телесна кондиција и добро расопложение (позитивни мисли).

Зошто е потребно да спортуваме:

• Øза намалување на ризикот од појава и развој на болести на срцето и крвните садови
• Øја подобрува функцијата на срцевиот и дишниот систем
• Øспречува или го одложува појавувањето на висок крвен притисок
• Øглавна причина за потрошувачка на калориите внесени со исхраната
• Øго намалува развојот на шеќерна болест
• Øја развива и унапредува мускулната сила
• Øги одржува моторичките способности на телото како што е силата и рамнотежата
• Øја подобрува минерализацијата на коските во младата возрастсо што се намалува ризикот од појава на остепороза и кршливост на коските во подоцнежните години
• Øкај повозрасните луѓе го спречува развојот на хронични заболувања
• Øго одржува менталното здравје и ги намалува ризикот од депресија и деменција