СВЕТСКИ ДЕН ЗА БОРБА ПРОТИВ ДРОГАТА

Светскиот проблем со дрогата е сложено прашање што погодува милиони луѓе ширум светот. Многу луѓе кои користат дроги се соочуваат со стигма и дискриминација, што може дополнително да им наштети

на нивното физичко и ментално здравје и да ги спречи да пристапат до помошта што им е потребна. Канцеларијата на Обединетите нации за дрога и криминал (UNODC) ја препознава важноста од преземање пристап со фокус на човековите права, сочувството и практиките засновани на докази.

Секоја година на 26 јуни се одбележува Меѓународниот ден против злоупотреба и недозволена трговија со дрога или Светски ден на дрогата за да се зајакне акцијата и соработката за постигнување свет без злоупотреба на дрога. Целта на овогодишната кампања е да се подигне свеста за важноста од третирање на луѓето кои користат дроги со почит и емпатија; обезбедување на доброволни услуги базирани на докази за сите; нудење алтернативи за казнување и давање приоритет на превенцијата. Кампањата, исто така, има за цел да се бори против стигмата и дискриминацијата против луѓето кои користат дроги .

Светскиот извештај за дроги дава глобален преглед на понудата и побарувачката на опијати, кокаин, канабис, стимуланси од типот амфетамин и нови психоактивни супстанции (НПС), како и нивното влијание врз здравјето. Истакнува, преку подобрени истражувања и попрецизни податоци, дека негативните здравствени последици од употребата на дрога се пораспространети отколку што се мислело.

Веќе две децении, Канцеларијата на Обединетите нации за дрога и криминал (UNODC) помага светот да се направи побезбеден од дрога, организиран криминал, корупција и тероризам. Посветени се на постигнување здравје, безбедност и правда за сите преку справување со овие закани и промовирање на мирот и одржливата благосостојба.

Подготвил: Снежана Мојсовска дипл. логопед. Одд. за Социјална медицина

Извор:https://www.un.org/en/observances/end-drug-abuse-day

              Photo:https://www.thequint.com/lifestyle/international-day-against-drug-abuse-and-illicit-trafficking-theme-and-history