Светска недела на доењето 1 - 7 Август
Да направиме доењето и работата да функционираат!

Оваа година, овoj настан го става акцентот на значењето на доењето, поддршката и влијанието на работното место на родителите, со што кажува и овогодишната тема:

 ”Да направиме доењето и работата да функционираат!”

( Let’s make breastfeeding and work, work! ).

 Од 1-ви до 7-ми август, оваа  светска иницијатива има за цел да го поддржи и промовира доењето како нешто круцијално за новороденчињата, и да го потенцира значењето и поддршката од работната средина.Доењето не само што обезбедува оптимална хранливост за бебињата, туку и го засилува нивниот имунолошки систем, ја засилува врската помеѓу мајката и детето и има многу здравствени предности и за мајката и за бебето. Затоа, многу е битно веднаш по раѓањето уште во првиот час, новороденчето да биде поставено кај мајката за доење. Ова е еден од најважните моменти за здравјето и добросостојба на детето и мајката.

Како јавни здравствени работници во Скопје, нашата мисија за време на Светската Недела на доењето 2023 е да ја подигнеме свеста за значењето на доењето и да обезбедиме поддршка и образование за новите мајки и семејства, и нивната работна средина. Преку промоција и заштита на доењето, придонесуваме за подобрување на здравјето и развојот на бебињата, намалување на ризикот од различни болести и создавање на посилно и здраво општество. Во текот на оваа недела, ќе се реализираат различни образовни активности, семинари, работилници и програми за да им овозможиме на мајките потребни знаења и ресурси за успешно започнување и продолжување на доењето. Во заемна соработка, здравствените работници, соработници, консултанти за доење и лидерите во заедницата, ќе обезбедат поддршка за доилките  да направат информирани одлуки за доењето и да создадат пријателско опкружување кое го поттикнува доењето.

Со прифаќање на овогодишната тема, ќе ги оствариме нашите цели и ќе ги заштитиме и подобриме перспективите на нашите најмлади граѓани во Скопје. Доењето е природен и важен начин на исхрана на новороденчињата, и кога им обезбедуваме на мајките поддршка за доење, ние ја негуваме и инвестираме во иднината на нашите деца и општеството во целост.

Да го направиме доењето да процвета и да се грижиме за нашето општество –

едно доење, една мајка, една заедница!

Изготвил: Флорија Хамид – дип. соц. раб
Извор:          
 https://www.who.int/campaigns/world-breastfeeding-week/2023
https://www.paho.org/en/campaigns/world-breastfeeding-week-2023-lets-make-breastfeeding-and-work-work