За здраво стареење е потребен пристап насочен кон начинот на живеење

Првиот „Светски извештај за стареењето и здравјето“ („World report on ageing and health“) повикува на итна, сеопфатна јавно-здравствена акција за внимание кон населението кое старее. Извештајот ги резимира современите докази и сознанија, ги исправа општо прифатените погрешни сфаќања и претпоставки и исцртува рамка за постапување за да го потпомогне здравото стареење ширум светот.

Клучните пораки на Извештајот ги поддржуваат оние пораки на претстоечката Европска министерска конференција на СЗО кои се однесуваат на пристапот кон начинот на живеење: (1) Рано да се започне до максимум да се зголемува функционалната способност. (2) Да се одржи пикот на здравјето со спречување и одложување на отпочнувањето на незаразните заболувања, за што никогаш не е доцна. (3) Да се минимизира инвалидитетот со обезбедување на околина што е од помош, ефективно да се менаџираат хроничните состојби и да се развиваат системи за здравствена заштита со нивно трансформирање од модели врз основа на болест и нејзино лечење кон обезбедување на интегрирана заштита насочена кон старите лица.

Населението кое старее би можело да биде нова можност за општеството кога Земјите членки би можеле да се реориентираат себеси и кога би го отвориле потенцијалот на здравото стареење. Градејќи ја „активната рамка за стареење“, Светскиот извештај продолжува да предлага промена во размислувањето околу стареењето. Доказите индицираат дека придонесот што старите луѓе го прават за заедницата во земјите со висок доход ги преминуваат трошоците на стареењето и долгорочната заштита.                     

Преземено од: http://www.who.int/

Автор: R. Wiley, 01-10-2015

Подготвил: прим. д-р сци. Весна Спирова