НЕДЕЛА НА ПРЕВЕНЦИЈА НА РАК НА ГРЛО НА МАТКА

(18-24 Јануари)

Ракот на грлото на матката е четврти најчест карцином кај жените. Во 2018 година, околу 570 000 жени биле дијагностицирани со рак на грлото на матката ширум светот и околу 311 000 жени починале од оваа болест

Скоро сите случаи на рак на грло на матка (99%) се поврзани со инфекција со високо-ризични хумани папиломавируси (ХПВ), исклучително чест вирус пренесен преку сексуален контакт. Иако, повеќето инфекции со ХПВ се повлекуваат спонтано и не предизвикуваат никакви симптоми, постојаната инфекција може да предизвика рак на грлото на матката кај жените.

Ефективните примарни (ХПВ вакцинација) и секундарни превентивни пристапи (скрининг и лекување на преканцерозни лезии) ќе спречат повеќето случаи на рак на грлото на матката.

Кога рано се дијагностицира, ракот на грлото на матката е една од најуспешно лекуваните форми на карцином. Ракот дијагностициран во доцните фази, исто така, може да се контролира со соодветен третман и палијативна нега.

Ниту една жена не треба да умире од рак на грло на матка.Постојат технички, медицински, стратешки пристапи за да го елиминираме тоа. Најголемиот дел од товарот на рак на грлото на матката паѓа врз жените кои немаат пристап до здравствени услуги, главно во земјите со низок и среден приход.

Извор:https://www.who.int/, пристапено на  24.01.2021