Gjendja nga semundja ngjitese e verdhezes ne Shkup  prej 01.07.2014

 Prej periudhës së 01.07.2014 deri 02.09.2014 në territorin e Shkupit janë evidentuar dhe lajmëruar 98 raste  nga sëmundja ngjitëse e verdhëzës e tipit A. Në fshatrat për rreth nuk është vërejtur as një rast nga ky tip i këtij llojit të verdhëzës, mirëpo në të gjitha komunat e qyteteve ka shfaqje të kësaj sëmundje. Më shumë raste ka të lajmëruar nga komuna e Shuto Orizarës.

Të infektuar janë të gjitha grupet e të rriturve prej 3-60 vjeç, mirëpo nuk mundemi të flasim për një burim të kësaj epidemi, sepse rastet nuk janë të lidhura njëra me tjetrën, vetëm disa kontakte të  ngjitura në disa familje. Duke pasur parasysh të reshurat e shiut dhe përmbytjet gjatë pranverës dhe verë, ka disa kanalizime fekale në shumë vende janë derdhur në hapësira publike, mirëpo edhe higjiena personale jo e mjaftueshme( larja e duarve e pamjaftueshme, larja e pemëve dhe perimeve të cilat konsumohen të freskëta), mund të presim edhe vazhdimin e kësaj epidemi. Në të gjitha institucionet publike,kopshte të fëmijëve, shkolla, fakultete, institucione shtetërore dhe objekte tregtare, si dhe vetura të cilët kryejnë transport publik, duhet të rritet niveli i higjienës, në aspekt të sigurohet sapun i mjaftueshëm për duar,mjete dezinfektuese,vende për dezinfektim të hyrjeve në objektet, si dhe të ritet ndërgjegjësimi për rëndësinë e kësaj sëmundje, si dhe niveli i higjienës personale dhe kolektive në mjedisin ku jetojmë.