Состојба со заразната жолтица во Скопје од 01.07.2014

Во периодот од 01.07.2014 до 02.09.2014 година на територијата на Скопје се евидентирани и  пријавени 98 случаи на заразна жолтица од типот А. Во околните села не е забележан случај од овој тип жолтица, но во сите градски општини има појава на ова заболување. Најмногу пријавени случаи има во општината Шуто Оризари. 

Афектирани се сите возрасни групи од 3-60 години, но сепак не можеме да зборуваме за еден извор на оваа епидемија, затоа што случаите не се поврзани еден со друг,освен неколку контакни заразувања во некои фамилии. Со оглед на обилните врнежи и поплави во текот на оваа пролет и лето, при што фекалните канализации на повеќе места се излеваа по јавните површини, но и недоволната јавна и лична хигиена ( недоволно и неправилно миење раце, недоволно миење на зеленчукот и овошјето кои се конзумираат свежи ), може да очекуваме и продолжување на оваа епидемија. Во сите јавни установи, градинки, училишта, факултети, државни установи и стопански објекти, како и возила кои обавуваат јавен превоз, треба да се зголеми нивото на општата хигиена, во смисла да се обезбедат доволни количини сапуни за раце, дезинфекциони средства, места за дезинфекција на влезовите во објектите и можеби најважното, да се подигне свеста за важноста на ова заболување, како и нивото на личната и колективната хигиена во околината во која живееме.