Светски ден на хепатит 2016: 28 јули 

Крени глас против хепатитот, “тивок убиец” 

Познавај го хепатитот
Дејствувај сега
Лекувај се

Повеќе од 90% од луѓето со хепатит Ц може целосно да се излекуваат од вирусот во период од 3-6 месеци

Се проценува дека над 13 милиони луѓе живеат со вирусот хепатит Б, HBVинфекција, а над 15 милиони со хроничен хепатит Ц, HCVинфекција, во Европскиот регион. Овие два вируси се сметаат за најголем товар од вирусен хепатит во Регионот. Секој ден повеќе од 400 луѓе во Европскот регион на СЗО умираат од причини поврзани со вирусен хепатит.

Хепатит Б и Ц најчесто се јавува како резултат на контакт со крв, со заразени телесни течности: на пример од трансфузија на крв или од инвазивна медицинска процедура со заразен прибор. Хепатит може да се пренесе и преку сексуален однос, иако ова  поретко се случува кај хепатитот Ц.

Хепатитот се нарекува тивок убиец затоа што на светско ниво, 95% од луѓето со хепатит не се свесни за својата инфекција и остануваат асимптоматични во повеќе случаи.

Извор:www.euro.who.int/

Подготвил: Бранка Крстев, дипл. соц. работник

Јули, 2016 година