ВАКЦИНАЦИЈАТА ПРОТИВ COVID-19 КАКО УЛТИМАТИВЕН НАЧИН    ЗА ЗАШТИТА НА ЈАВНОТО ЗДРАВЈЕ ВО ТЕК НА ПАНДЕМИЈА

            Пристапот кон безбедна и ефективна вакцина е основен начин во борбата против пандемијата на COVID-19. Од таа причина, вакцините се најзначајниот начин за постигнување на целта. Вакцинацијата, како метод, е намената            да го заштити населението глобално, почнувајќи од највулнерабилните групи, но и до населението во целост, во вид на обезбедување на широк пристап       кон вакцините за светската популација.

На Сесијата 76 на Генералното Собрание на Обединетите Нации (ОН/UN), одржана на 17 Септември 2021 година, Светската Здравствена Организација (СЗО/WHO) ја акцентира важноста од глобален пристап кон вакцината против COVID-19, како и потребата од поддршка на спремноста   за одговор против пандемиите во иднина. Потенциран е фактот дека пандемијата на COVID-19 веќе одзема околу 5 000 000 човечки животи на светско ниво. Од таа причина, констатирано е дека борбата против вирусот треба да ја има вакцинацијата како ултимативен метод. До тековниот период, аплицирани биле 5 700 000 000 дози на вакцина глобално, со акцентирање на фактот дека е потребна континуирана поддршка за тенденцијата на сеопфатен пристап кон вакцината во сите светски региони. СЗО сугерира потребен опфат од 40% на глобално ниво во текот на 2021 година, и потребен опфат од 70% од светската популација до средината на 2022 година, како опфат од важност за реализација на ефикасна борба против пандемијата од COVID-19. Употребата на заштитни средства и начини (носење на маска, лична хигиена и дистанца)  во тековниот период е, исто така, сугерирана како паралелно потребна.

Факт е дека ангажманот на светските здравствени авторитети заедно со националните здравствени власти има посебна важност во борбата против пандемијата глобално.

            Безбедноста и ефективноста на вакцината против COVID-19,           според Центарот за Контрола на Болести на Соединетите Американски Држави (CDC) се докажани со повеќе факти:

1. вакцините се развиени со помош на повеќедецениски научно докажани процедури,
2. не се експериментални,
3. строго се мониторирани во секоја фаза од производството.

Ефективноста се состои од:

1. спречувањето на инфекција и ширење на болеста,                      
2. спречување на тешки и животозагрозувачки форми на болеста,
3. заштита од инфекција кај луѓето во непосредната околина.

Наведените факти, добиени на глобално ниво како резултат на следење на состојбите со пандемијата од COVID-19 во периодот од појавата, тековниот период, како и предвидувањата за состојбите во наредниот период, укажувааат на апсолутната потреба од континуирана поддршка за вакцинација                    на населението (како повозрасно население, така и население                              со имунодефицитни состојби и хронични болести, и пошироката и помлада популација), како ултимативен пристап кон борбата против COVID-19.

Референци: www.who.int, www.cdc.gov

Изработил: Д-р Методи Манев / Одделение за социјална медицина