Најважните области на работа кои произлегуваат од дефинираните надлежности на Одделението за социјална медицина во Центарот за јавно здравје - Скопје се:

• Следење, анализа и проценка на здравствената состојба на населението, откривање и проучување на здравствените проблеми и здравствените ризици кај населението, утврдување на други нарушувања од социјално-медицинскозначење и предлагање мерки за нивно подобрување; 

• Пратење, анализа и проценка (1) на однесувањето на поединците и одделни групи од населението поврзани со здравјето, со здравственaта култура и состојбата наначинот и квалитетот на живеење, воопшто, како и пратење, анализа и проценка (2) на состојбите и ризиците во животната средина во корелација со здравјето на населението; 

•  Следење, проучување и евалуација(1) на организацијата на системот на здравствена заштита, обезбеденоста со здравствени установи, опрема и кадар, (2) следење и евалуација на нивното работење и развојот на здравствените  служби и услуги  со цел да се предлагаат мерки за постојано подобрување на здравствената заштита од аспект на зголемена ефективност и ефикасност; 

• Следење и анализа (1) на бројот и структурата на вработените во здравството, (2) на планот за професионален развој,  (3) на степенот на обезбеденост на  населението со добро обучени здравствени работници и современи услуги и (3) предлагање мерки насочени кон корисниците на услугите за подобар пристап до истите; 

• Предлагање на елементи од областа на здравствената политика, учество во изработка и развој на закони и прописи од областа на здравствената заштита и пошироко, предлагање мерки во рамки на меѓуресорска соработка во полза на подобрување на здравјето на населението;

• Спроведување на  применети истражувања од областа на јавното здравје и користење на резултатите од истражувањата во предлагање на политики и донесување на одлуки; 

• Соработување и партнерство со локалната самоуправа за развој на општините со цел да се идентификуваат и да се решаваат здравствените проблеми на населението и да се подобри степенот на знаење и едукација на поединците во корист на здравјето. 

• Соработка со меѓународни организации во рамките на програми и проекти во Републиката или на регионално и локално ниво; 

• Професионално учество во стручни тела на локално, регионално ниво и на ниво на Републиката; 

• Анализирање и предлагање на мерки во итни состојби и вонредни јавно-здравствени околности преку следење, анализа и контрола на ризиците и заканите по јавното здравје;