СВЕТСКИ ДЕН НА ДАУНОВ СИНДРОМ

21 МАРТ, 2021

Светскиот ден на Даунов синдром (WDSD), 21 март, е глобален ден за свесност кој ООН официјално го одбележува од 2012 година. На овој ден, луѓето со Даунов синдром и оние кои живеат и работат со нив низ целиот свет организираат и учествуваат во активности и настани за подигнување на јавната свест и создавање единствен глобален глас за застапување на правата, вклученоста и благосостојбата на луѓето со Даунов синдром .

ШТО Е ДАУНОВ СИНДРОМ?

Даунов синдром (или Трисомија 21) е природно-хромозомско подредување, кој отсекогаш бил дел од човечката состојба, сестрано присутен низ расни, родови или социоекономски линии во приближно 1 од 800 живородени деца, иако постои значителна варијација ширум светот. Дауновиот синдром обично предизвикува различен степен на интелектуална и физичка попреченост и придружни медицински проблеми. Тоа само значидека некои работи им се малку потешки, дека тие се малку поинакви, но различностите се во ред. Луѓето со Даунов синдром учат, се смеат, сакаат, живеат, исто како и ние, понекогаш, исто така, се лутат, се тажни, не сакаат некои работи, им е непријатно да бидат загледани и сакаат само да им се придружат на сите други. Онаму каде што на децата со Даунов синдром и други попречености им се даваат можности да се приклучат, сите деца имаат корист од ова и се создаваат средини на пријателство, прифаќање, почит кон секого.

Инклузивните средини исто така им помагаат сите деца денес да се подготват за живот утре, како возрасни, овозможувајќи им на возрасните луѓе со Даунов синдром да живеат, да работат и да се вклучат целосно во општеството, со доверба и независност, заедно со нивните пријатели и врсници.

Извор: www.worlddownsyndromeday.org