Kanceri

Kanceri është shkaku më i rëndësishëm i vdekjes dhe sëmundjes në Evropë pas sëmundjeve kardiovaskulare. Kanceri në shumë raste mund të shmanget, ndërsa zbulimi i hershëm rrit ndjeshëm mundësinë e kurimit. OBSH në Rajonin Evropian ju ndihmon vendeve të zhvillojnë programe nacionale për kontroll të kancerit. Agjencia Ndërkombëtare e Kontrollit të Kancerit (IARC) është një organ i OBSH-së i specializuar në këtë fushë. Ajo koordinon dhe kryen hulumtime për shkaqet dhe zhvillon strategji shkencore për parandalimin dhe kontrollin e kancerit.

Agjencia Ndërkombëtare e Kontrollit të Kancerit, IARC, e shënon muajin për ngritjen e vetëdijes për kancerin në qafën e mitrës

2 Janar 2020

Gjatë muajit janar, Agjencia Ndërkombëtare e Kontrollit të Kancerit- IARC, e shënon Muajin për ngritjen e vetëdijes për kancerin në qafën e mitrës me varg shënime, duke përfshirë tviterin, intervista dhe infograme.

Në vitin 2018, sipas vlerësimeve, në botë, 570 000 gra u diagnostikuan me kancer në qafën e mitrës dhe rreth 311 00 gra kanë vdekur nga kjo sëmundje.

Infeksioni i vazhdueshëm me lloje të rrezikut të lartë të papillomavirusit njerëzor (HPV) është shkaku kryesor i kancerit në qafën e mitrës. Kanceri i qafës së mitrës është një nga format e kancerit i cili është më parandalues dhe i cili mund të shërohet, për shkak se ekzistojnë vaksina të cilat mbrojnë nga rreziku i lartë, dhe skrining programet mund të zbulojnë shenjat e sëmundjes në një fazë të hershme, gjë që mundëson trajtimin dhe menaxhimin e suksesshëm.

Prandaj, nisma globale e kësaj sëmundje është që të eliminohet si një problem shëndetësor-publik.

-------------------------------------------------------------------------------------------

Janar 2020

Burimi: https://www.iarc.fr/

Përpiloi: prim. dr. sci. Vesna Spirova, spec. i mjekësisë sociale