Се зголемува бројот на абортуси кај помлади од 20 години и кај малолетнички во земјата и покрај едукацијата што се спроведува во основните и во средните училишта и големата достапност на информациите за заштита од несакана бременост и на интернет, но и со разговор со родителите, врсниците и преку разни списанија, брошури и друга литература на оваа тема.Ако во 2008 година биле регистрирани 146 абортуси на возраст помала од 20 години, во 2013 година, според податоците на Институтот за јавно здравје, бројот се зголемил речиси за 100 - лани имало 237 прекини на бременост кај оваа популација. Во скопскиот Центар за јавно здравје велат дека младите многу знаат, но малку практикуваат! Само во главниот град вкупно 53 девојчиња на возраст од 15 до 19 години минатата година се решиле да абортираат. 

Комуникација со медиумите