ПРЕДУПРЕДУВАЊЕ ЗА ПОЈАВА НА АЛЕРГИИ 

Алергиите предизвикани од поленов прав стануваат се пораширени како акутно или хронично заболување на дишните патишта кај луѓето. Ова заболување во последно време зема се поголем замав и добива размер на епидемија бидејќи се повеќе луѓе чувствуваат проблеми со дишните патишта напролет, кога во воздухот се чувствува присуството на поленовиот прав.

Најчести симптоми за алергија се:

- кашлање

- кивање

- течење на бистар секрет од нос

- чешање на очи, па дури и гушење

При појава на споменатите симпоми, секако треба да се обратите кај лекар за утврдување на точната дијагноза. Лечењето на болеста треба да се сфати сериозно од причина што покрај наведените симптоми се можни и компликации како што се обструктивен бронхит, астма и сл, особено во периодот кога во воздухот се присутни високи концентрации од споменатите алергени.

Лечењето на болеста се препушта на стручни, специјализирани лекари кои препоачуваат терапија за успешно лечење на болеста.