Месец на машкото здравје

Ноември е месец на свесност за здравјето на мажите. На глобално ниво, мажите умираат во просек шест години порано од жените, и тоа од причини кои во голема мера може да се спречат. Овие статистички бројки не мора да бидат така:

Сите можеме да превземеме акција за да живееме поздрав, посреќен и подолг живот.

Овој месец е посветен на подигање на свеста за широк спектар на машки здравствени проблеми со кој се соочуваат мажите и младите момчиња.

Некои здравствени проблеми се специфични за мажите. Тие вклучуваат предвремена ејакулација,проблеми со простата и тестостеронот и др.. Други здравствени проблеми како што се: алопеција, срцев удар, хипертензија, висок холестерол, инконтиненција и инфекции на уринарниот тракт, ги погодуваат и мажите и жените. Заедничка загриженост се и алкохолизмот, злоупотребата на наркотици, пушењето, дебелината и стресот.

Некои мажи не сакаат да бараат помош, затоа е најдобро, да се охрабрат да побараат помош или да разговараат со пријател, член на семејството или колега.

Movember истакнува повеќе клучни активности што може да се превземат за да се подобри физичкото/менталното здравје кај мажите:

-        Поминувајте повеќе  време со луѓе кои прават да се чувствувате добро.

-      Вашите сопружници се важни, и дружењето со нив е добро за Вас и Вашето здравје.

-          Редовно следете се, контролирајте се и одвојте време за себе.

-          Зборувајте, повеќе.

-     Не мора да бидете експерт и не мора да биде единствено решение, но треба да   се биде тука за некого, да се слуша и да се даде време за да може да се спаси  живот.

-    Над 50 години, разговарајте со вашиот лекар за ракот на простата и дали е     правилно да направите ПСА тест.

-     Дознајте го ризикот.

-     Дознајте што е нормално за вашите тестиси, а што не. Редовно проверувајте се   и одете на лекар ако не се чувствувате добро.

-     Движете се, повеќе.

-   Додајте повеќе активност во вашиот ден. Направете повеќе од она што ве прави  да се чувствувате добро.

-     Направете пешачки состанок.

-     Паркирајте се подалеку од станицата.

-     Слезете од автобуската постојка една или две  станици порано.

-     Наместо со лифт, користете ги скалите.

-     Возете велосипед до работа наместо да возите автомобил.

Практикувајте здрави навики кои ќе ви помогнат да ја подобрите вашата благосостојба.

Изготвил: Магдалена Јованова, дип.педагог/ Одделение за социјална медицина

Ноември, 2023 година

Извор:

https://humberandnorthyorkshire.org.uk/mens-health-awareness-month-and-international-mens-day/

https://www.menshealthresourcecenter.com/aging-seniors/