Зголемен обем на работа во микробиологија и хигиена

Во одделението за микробиологија е зголемен обемот на работа со пациенти во изминатиов период (од 20.08.2013 и понатаму). Дневно се земаат брисеви (од 550 - 700) од деца кои треба да се запишат во градинка, а истата им бара негативен наод од грло и нос.

Во одделението за хигиена е зголемен обемот на работа со пациенти кои бараат санитарни прегледи на вработените во прехрана, предшколски или школски установи. Медицинска екипа од одделението ќе земе активно учество во спроведувањето на манифестацијата „Светски ден на срцето”, која ќе се оддржи на ден 29.09.2013 г. - недела на кејот на реката Вардар.

Целта на манифестацијата е да се подигне свеста кај населението за превенирање на кардиоваскуларните заболувања преку давање стручни совети за правилна исхрана и здрав живот. Медицинската екипа ќе дава бесплатни лекарски прегледи на случајните минувачи кои доброволно ќе се пријават за одредување на крвниот притисок, холестеролот и шеќерот во крвта.