Светски ден на здравјето 2022

     Нашата планета, нашето здравје

Нашето здравје и здравјето на нашата планета се нераскинливо поврзани, а потребата да се фокусираме на создавање здрави општества, на здрава планета станува се поочигледна.Темата на Светскиот ден на здравјето во 2022 година се фокусира на оваа врска помеѓу здравјето на нашата планета и здравјето на луѓето, животните, растенијата - сите живи суштества.

Март, месец за подигање на свеста

за ракот на дебелото црево, 2022 година

Колоректалниот карцином е трет најчест тип на рак во светот, во 2020 година, беа дијагностицирани речиси 2 милиони случаи. Тоа е втора најчеста причина за смрт од рак, што доведува до речиси 1 милион смртни случаи годишно. Ова е и покрај фактот што постојат ефективни скрининг техники кои би можеле да го намалат бројот на смртни случаи од оваа болест.

     Светски ден за борба против туберкулозата 2022 година

          Инвестирајте за да се стави

                                        крај на ТБ.

                                  Спасете животи.

24 март 2022 година

ФАКТИ

• - 66.000.000- животи спасени од 2000 година со глобалните напори да се стави крај на ТБ.
• - 9.900.000- луѓето се разболеле од ТБ во 2020 година.
• - 1.500.000- луѓе починале од ТБ во 2020 година.

Секоја година, го одбележуваме Светскиот ден на туберкулозата на 24 Март за да ја подигнеме јавната свест за катастрофалните здравствени, социјални и економски последици од ТБ и да ги засилиме напорите за ставање крај на глобалната епидемија на ТБ. 24 Март го означува денот кога во 1882 година д-р Роберт Кох објавил дека ја открил бактеријата што предизвикува ТБ, што го отвори патот кон дијагностицирање и лекување на оваа болест.

ЈЗУ ЦЕНТАР ЗА ЈАВНО ЗДРАВЈЕ - СКОПЈЕ

       - ОТСЕК ЗА ЗДРАВСТВЕНО ВОСПИТАНИЕ  -

     Презентација за карцином на грло на матка

      Одделение за социјална медицина

ПРЕВЕНЦИЈА НА РАК НА ГРЛО НА МАТКА

Ракот на грло на матка некогаш беше водечки причинител за смртност меѓу жените. Тоа се смени од кога ПАП тестот стана широко достапен. Овој тест се спроведува со цел откривање на евентуални предканцерогени промени на грлото на матката. Гинеколозите советуваат секоја жена барем еднаш годишно да направи ПАП тест бидејќи само преку овие тестови може да се откријат какви било промени на грлото на матката.

Констатирано е дека ракот на грлото на матката е четврт најчест вид на карцином меѓу жените во светот. Годишно се дијагностицира кај околу 570.000 жени, а во просек со оваа болест не можат да се изборат 311.000 лица.

СЗО покрена „Програма за отстранувањето на ракот на грлото на матката“ ширум светот со одлуката донесена на Светското здравствено собрание со цел превенција на ракот на грлото на матката.

ИЗВЕСТУВАЊЕ ЗА МАТИЧНИТЕ ГИНЕКОЛОЗИ ЗА СКРИНИНГОТ НА РАК НА ГРЛО НА МАТКАЗА 2022 ГОДИНА

ГИ ИЗВЕСТУВАМЕ МАТИЧНИТЕ ГИНЕКОЛОЗИ  ДЕКА ВРЗ ОСНОВА НА ПРОГРАМАТА ЗА РАНА ДЕТЕКЦИЈА НА МАЛИГНИ ЗАБОЛУВАЊА ВО РЕПУБЛИКА МАКЕДОНИЈА ЗА 2022 ГОДИНА, ЗА СКРИНИНГ НА РАК НА ГРЛО НА МАТКА, ПРЕДВИДЕН Е ОПФАТ НА ЖЕНИ НА ВОЗРАСТ ОД:

     36 - 45 години

ЛИЦЕ ЗА КОНТАКТ: БРАНКА КРСТЕВ,                                                

 e-mail: Оваа е-пошта е заштитена од spambots, треба да вклучите JavaScript за да ја видите

ТЕЛЕФОН: 02/ 3298-667 ЛОК. 169

СВЕТСКИ ДЕН  ЗА БОРБА ПРОТИВ РАКОТ 

4 February

Секоја година на Светскиот ден на ракот, СЗО/Европа ги истакнува успесите и предизвиците во контролата на ракот. Ракот е водечка причина за смртност и морбидитет во европскиот регион на СЗО.

Во 2021 година, 2,2 милиони луѓе починале од рак, а на 4,8 милиони луѓе им бил  дијагностицирани рак во европскиот регион на СЗО. Смртните случаи од рак се очекува да растат на годишно ниво - борбата со ова бара посветеност и акција од сите нивоа на општеството.Без похрабри активности, проценките сугерираат дека регионот ќе достигне инциденца од 5,4 милиони случаи на рак и 2,5 милиони смртни случаи годишно до 2030 година. Во 2021 година, СЗО/Европа започна Обединета акција против ракот...