ЗА РОДИТЕЛИТЕ:    ВАКЦИНИТЕ ЗА ВАШИТЕ ДЕЦА 

Дајте им ја на Вашите деца неопходната превенција и заштита од многу тешки и заразни заболувања - навреме преку препорачаната имунизација (повик од Центарот за контрола на заболувањата и нивна превенција – ЦДЦ).

За родителите нема поголема радост од тоа нивните деца да растат здраво и среќно без поголеми нарушувања на нивното здравје кое може да предизвика и тешки последици. Тоа е основната интенција на здравствените власти и работници, да го заштитат населението од непотребни и тешки заболувања кои можат да завршат со многу лоши последици за семејствата и за општеството. Доколку ги вакцинирате Вашите деца со препорачаните, безбедни вакцини, ќе спречите нивно заболување од барем 14 болести (пример: мали сипаници, голема кашлица, детска парализа и сл).

Причини за вакцинирање на децата:

 Сериозни заболувања сеуште се присутни во светот и кај нас.

Намалуавњето или целосното спречување на многу заразни болести кое се постигнува со навремено вакцинирање на децата е една од основните историски придобивки во историјата на јавното здравство. За среќа многу млади родители не се сретнале со ваквиот вид заболувања како што се: детска парализа, мали сипаници или голема кашлица, па не обрнуваат доволно внимание на вакцинирањето и превентивата за нивните деца. Но, овие заболувања И понатаму се присутни и доста опасни што е главна причина за навремено вакцинирање на децата според календарот за имунизација. 

2. Заразните заболувања не познаваат граници и можат многу лесно да прераснат во епидемии

Во развиените држави каде постои организирано јавно здравство и превенција веќе не се сраќаваат заболувања од типот на детска парализа, голема кашлица или мали сипаници, но, во неразвиените држави во светот тие се присутни и можат лесно да бидат пренесени во  нашето опкружување. 

3. Вакцинирањето е докажано безбеден избор за превенција на заболувањата со години наназад

Многу научници и медицински професионалци ги евалуирале информациите за вакцинирање на децата со цел да се утврди нивната безбедностѕ и ефективност. Евалуацијата помогна да се обновии и ефектуира препораката за вакцинирање на децата од секаков безбедносен и здравтсвен аспект. 

4. На децата им е потребна имунизација многу рано

Неопходно е отпочнување на вакцинирањето на децата според календарот за имунизација со цел да бидат аплицирани сите потребни дози од вакцини како би се спречила појавата на многу заразни и тешки заболувања. 

5. Вакцинацијата го заштитува вашето здравје, семејството, пријателите и општеството

Со навремено вакцинирање на вашите деца овозможувате да се спречи заболување на пример кај соседот кој е боле нод тешка болест и не е во состојба да прими вакцина или да се разболи новороденче од вашиот најдобар пријател кое е сеуште ранливо и со кревко здравје бидејќи нема создадено свој имунитет. 

6. Имунизацијата Ви ја дава моќта да го заштитите и поштедите вашето дете од заболувања

Вакцинирањето со препорачаните и безбедни вакцини достапни во соодветните здравствени установи Ви овозможува полесен и безбеден живот за Вас,  Вашите деца и на пошироката општествена заедница.