Светската недела на доењето 2022

Светската недела на доењето се одбележува секој август во првите седум дена од месецот и има за цел да ги истакне големите придобивки што доењето може да ги донесе за здравјето и за благосостојбата на бебињата. За поширок притисок за здравјето на мајките, фокусирајќи се на добрата исхрана, сиромаштијата, намалување и безбедност на храната.

Меѓународен ден на младите 2022

Солидарност меѓу генерациите:

Создавање свет за сите возрасти

Меѓународниот ден на младите се слави секоја година на 12 Август со цел да се привлече вниманието на меѓународната заедница за младинските прашања и да се слави потенцијалот на младите како партнери во денешното глобално општество.

 Светски ден против дрогата                 

Меѓународниот ден против злоупотреба на дрога и недозволена трговија или Светски ден против дрогата, се одбележува секоја година на 26 јуни, со цел да се зајакне акцијата и соработката, за постигнување свет без злоупотреба на дрога. Секоја година, поединци, цели заедници и различни организации ширум светот се придружуваат за да го одбележат Светскиот ден против дрогата за да помогнат да се подигне свеста за главниот проблем што недозволените дроги му го претставуваат на општеството.

Светски ден на крводарителот 2022: Давањето крв е чин на солидарност. Придружете се на напорите и спасете животи

Историја на Светскиот ден на крводарителството

Светскиот ден на крводарителот се одржува на 14 јуни секоја година за да се прошири свеста за значењето на крводарителството и да се признае придонесот на доброволните  крводарители во спасувањето животи.

Светски ден против злоупотреба на детски труд 2022

 Светски ден за борба против злоупотреба на детскиот труд се одбележува на 12 јуни, со цел да се спречи штетното влијание на работата врз развојот на децата ширум светот.  Секоја здравствена криза предизвикува предвремено влегување во светот на работата за милиони деца од ранливите групи на глобално ниво.

Според Меѓународната организација на трудот, 218 милиони деца на возраст од 5 до 17 години во моментов се економски активни во светот.

4 ЈУНИ, МЕЃУНАРОДЕН ДЕН НА НЕВИНИ ДЕЦА

ЖРТВИ НА АГРЕСИЈА

Целта на овој ден е да се оддаде признание на болката и страдањата што ги прежувуваат децата ширум светот - жртви на физичко, психичко и емоционално насилство. На овој ден Обединетите нации ја потврдуваат својата посветеност и обврзаност кон заштитата на правата на децата.

Статистичките податоци во врска со многуте форми на злоупотреба на децата се загрижувачки:

       ●   Преку 2 милиони деца се убиени во конфликти во последните две децении;

       ●   Околу 10 милиони деца-бегалци се згрижени од страна на УНХЦР;

       ●   Околу 80 илјади деца годишно умираат како резултат на насилство 

во семејствата….(1)

Иако е тешко да се одреди точен број на деца војници, според УНИЦЕФ, околу 300 000 деца низ светот се деца војници. Ова не подразбира само деца на фронт кои имаат оружје во рака, туку и деца кои на било каков начин се условени да бидаат дел од воени организации..
Само во САД секоја година се злоупотребуваат околу 700.000 деца. Многу родители мислат дека злоупотреба е само ако децата физички се повредуваат.

Светски ден без тутун

31 Maj 2022

Здравствени ефекти од пушење

Во последните децении на минатиот век, бројни научни студии ги испитувале здравствените ефекти од пушењето, чадот од тутун, тутунот и производите од тутун и го потврдиле фактот дека пушењето е водечкиот ризик-фактор што може да се превенира (даспречи)  појава на болести и прерана смрт. 

Последиците од пушењето влијаат не само на здравјето на луѓето, предизвикувајќи разни болести кои го намалуваат квалитетот на животот и доведуваат до прерана смрт, туку и на социо-економските можности на секојдневниот живот. Намалениот работен капацитет, отсуството од работа, зголемените трошоци за здравствена заштита (третман и рехабилитација) се голем економски товар за секоја заедница.